Lýsing fyrir HM í knattspyrnu í Suður Afríku

OSRAM útvegar orkunýtnar lýsingarlausnir fyrir alla tíu fótboltavellina

Frá almennri innan- og utanhússlýsingu til flóðljósa og frá lýsingu fyrir veitingastaði til bílastæðalýsingar: háþrýstar úrhleðsluperur, T5 og T8 flúrperur og ljósdíóður frá OSRAM verða notaðar á öllum tíu knattspyrnuvöllunum sem spilað verður á. Af öllum lýsingarlausnunum sem OSRAM útvegar mun bogi með LED lýsingu (þekktur sem „Boginn“ [„The Arch“]) vekja mesta athygli. Boginn er með meira en 12.000 Golden Dragon Plus ljósdíóðum og nær hann yfir allan leikvanginn í Durban.

Leikvangurinn í Durban með OSRAM LED boganum sem þekktur er sem „Boginn“ („The Arch“). Boginn er með meira en 12.000 Golden DRAGON Plus ljósdíóðum.

Boginn er sjáanlegur úr mikilli fjarlægð enda er hann 350 m langur, 2.600 tonn að þyngd og 30 hæða hár. Boginn er táknrænn fyrir samkomu u.þ.b. 70.000 íþróttaunnenda á leikvanginum í Durban. Þess má geta að fyrsti leikur þýska landsliðsins fer fram á leikvanginum. Svokallaðir LED bitar gefa lýsinguna. OSRAM þróaði bitana í samstarfi við framleiðandann BEKA, og eru þeir sérstaklega hannaðir til að uppfylla kröfur leikvangsins. Bitarnir eru tæplega tveir metrar á lengd, veðurheldir og sveigjanlegir í notkun. Uppsetningu og viðhaldi ljóseininganna er sinnt frá rými innan í Boganum. „Að lýsa þetta mikilfenglega mannvirki með ljósdíóðum var mikil áskorun,“ sagði verkfræðingurinn Florian Hockel sem bar ábyrgð á verkefninu. „Útkoman er frábær og má telja víst að hún muni vekja hrifningu gesta.“

Annars staðar í Suður Afríku er einnig eftirspurn eftir sérfræðikunnáttu OSRAM: perur fyrirtækisins eru t.d. notaðar til að lýsa flugvellina í Durban, Jóhannesarborg og Höfðaborg. Á miklum fjölda lestarstöðva í Pretoríu og Jóhannesarborg og á 150 km löngum hluta aðalbrautar eru perur frá OSRAM einnig notaðar til lýsingar.

Til baka

Eldri fréttir